PatriaCHICA ufierta la llectura dramatizada de dellos testos que pertenecen a escritores yá clásicos nel ámbitu llingüísticu asturlleonés, nun intentu por venceyar falantes a entrambos llaos del Payares, a entrambos llaos de fronteres invisibles -anque bien efectives nel so enfotu separtador.

La compañía de Yolanda Gómez Escudero y Jorge Moreno Pieiga prepara llectures sobre autores como Antón de Marirreguera, Xosefa Xovellanos, Xuan María Acebal, Enriqueta González Rubín, Fernán Coronas y Amadeu Ferreira.

Les llectures tán complementaes con cantares y melodíes compuestes pa la ocasión, surdiendo d´esi mou un espectáculu que repasa les peripecies d´un idioma fasta güei entá amenorgáu polos complexos o la señardá.